Болашақ мектебінің мұғалімі: құндылықтар мен жасанды интеллект

25 тамыз күні Ы. Алтынсарин атындағы Ұлттық білім академиясы, «Солтүстік Қазақстан облысы әкімдігінің білім басқармасы» КММ «Әдістемелік орталығы» КММ және «Білім-Инновация» халықаралық қоғамдық қоры бірлесіп, «Келешек мектептері» республикалық жобасы аясында педагогтерге арналған республикалық семинар-тренинг өткізді.

Семинардың басты идеясы – болашақ мектебінің мұғалімі қандай болуы керек?

Бүгінгі білім беру жүйесі екі маңызды бағытты біріктіреді: құндылықтарға негізделген тәрбие және жасанды интеллект мүмкіндіктері. Осы екі бағыттың үйлесімі оқушының тұлғасын қалыптастырып қана қоймай, педагогтің жұмысын да тиімді ұйымдастыруға мүмкіндік береді.

Семинар бағдарламасы екі модульден тұрды:

1-модуль. Құндылықтарға негізделген білім беру (VBR)

Қатысушылар оқу үдерісі арқылы оқушылардың жауапкершілік, өзара құрмет, адалдық және басқа да маңызды адамгершілік құндылықтарын дамытудың практикалық тәсілдерімен танысты.

2-модуль. Педагог жұмысындағы жасанды интеллект

ҚМЖ-ны санаулы секундта әзірлеу;

әр оқушыға бейімделген жеке тапсырмалар құрастыру;

бағалау мен кері байланысты автоматтандыру;

рутиналық жұмыстарды қысқартып, оқушымен сапалы қарым-қатынасқа көбірек уақыт бөлу.

Болашақ мектебі – құндылықты сақтай отырып, заманауи технологияны сенімді қолданатын мұғалімнен басталады.