Тәрбие сабақтастығы — қазіргі қоғамда өмір сүріп, әрекет ете алатын тұлғаны қалыптастырудың негізі.

2026 жылғы 28 сәуірде «Үздіксіз білім беру жүйесінде («балабақша – мектеп – колледж») «Адал азамат» біртұтас тәрбие бағдарламасының идеяларын енгізудің сабақтастығы: сын-қатерлер, трендтер, стратегиялар» атты семинар өтті.

Іс-шара техникалық және кәсіптік білім беру ұйымдарының әдіскерлері мен педагогтерін біріктіріп, өскелең ұрпақты тәрбиелеудің тиімді тәсілдерін талқылауға мүмкіндік берді. Негізгі назар адал, еңбекқор, жауапты азаматтарды қалыптастыруға, белсенді азаматтық ұстанымды дамытуға, мәдени мұра мен ұлттық құндылықтарға құрметті арттыруға аударылды.

Семинар барысында «Адал азамат» бағдарламасын біртұтас тәрбие жүйесінің негізі ретінде жүзеге асыруға ерекше мән берілді. Бағдарлама аясында форсайт-сессиялар мен тренингтер, шеберлік сыныптары мен воркшоптар, кейс-стади мен зерттеу практикумдары, іскерлік ойындар мен интерактивті алаңдар ұйымдастырылды.

Сонымен қатар жасанды интеллектті енгізу және цифрлық адалдық, геймификация, soft skills дағдыларын дамыту, инклюзивті білім беру ортасын қалыптастыру мәселелері үлкен қызығушылық тудырды.

Семинар тәжірибе алмасу, кәсіби пікір алмасу және білім берудің барлық деңгейлерінде тәрбие жүйесінің сабақтастығын қамтамасыз ететін жаңа шешімдерді іздеуге арналған тиімді алаң болды.